PH-ის მნიშვნელობა ჩამდინარე წყლების გამწმენდში

ჩამდინარე წყლების გამწმენდიროგორც წესი, ჩამდინარე წყლებიდან მძიმე მეტალების და/ან ორგანული ნაერთების მოცილებას გულისხმობს. pH-ის რეგულირება მჟავა/ტუტე ქიმიკატების დამატებით ჩამდინარე წყლების გამწმენდი ნებისმიერი სისტემის მნიშვნელოვანი ნაწილია, რადგან ის საშუალებას იძლევა, გახსნილი ნარჩენები წყლისგან გამოეყოს გამწმენდი პროცესის დროს.

წყალი შედგება დადებითად დამუხტული წყალბადის იონებისა და უარყოფითად დამუხტული ჰიდროქსიდის იონებისგან. მჟავე (pH<7) წყალში დადებითი წყალბადის იონების მაღალი კონცენტრაციაა, ხოლო ნეიტრალურ წყალში წყალბადისა და ჰიდროქსიდის იონების კონცენტრაციები დაბალანსებულია. ტუტე (pH>7) წყალი უარყოფითი ჰიდროქსიდის იონების სიჭარბეს შეიცავს.

PH რეგულირებაჩამდინარე წყლების გამწმენდი
pH-ის ქიმიური რეგულირებით, ჩვენ შეგვიძლია წყლიდან მძიმე მეტალების და სხვა ტოქსიკური მეტალების ამოღება. უმეტესად ჩამონადენ ან ჩამდინარე წყლებში ლითონები და სხვა დამაბინძურებლები იხსნება და არ ილექება. თუ pH-ს, ანუ უარყოფითი ჰიდროქსიდის იონების რაოდენობას გავზრდით, დადებითად დამუხტული ლითონის იონები ბმებს შექმნიან უარყოფითად დამუხტულ ჰიდროქსიდის იონებთან. ეს ქმნის მკვრივ, უხსნად ლითონის ნაწილაკს, რომლის გამოყოფა ჩამდინარე წყლიდან მოცემულ დროში ან ფილტრ-პრესის გამოყენებით შესაძლებელია.

მაღალი და დაბალი pH წყლის დამუშავება
მჟავე pH პირობებში, წყალბადის და ლითონის იონების სიჭარბეს არანაირი ბმა არ აქვს, წყალში ტივტივებს და არ ილექება. ნეიტრალური pH-ის დროს წყალბადის იონები ჰიდროქსიდის იონებთან ერთად წარმოქმნიან წყალს, ხოლო ლითონის იონები უცვლელი რჩება. ტუტე pH-ის დროს, ჰიდროქსიდის იონების სიჭარბე ლითონის იონებთან ერთად წარმოქმნის ლითონის ჰიდროქსიდს, რომლის მოცილება ფილტრაციით ან დალექვით არის შესაძლებელი.

რატომ უნდა აკონტროლოთ pH ჩამდინარე წყლებში?
ზემოთ ჩამოთვლილი დამუშავების გარდა, წყლის pH-ის გამოყენება ასევე შესაძლებელია ჩამდინარე წყლებში არსებული ბაქტერიების გასანადგურებლად. ორგანული ნივთიერებებისა და ბაქტერიების უმეტესობა, რომლებიც ჩვენთვის ნაცნობია და რომლებთანაც ყოველდღიურად შეხება გვაქვს, საუკეთესოდ შეეფერება ნეიტრალურ ან ოდნავ ტუტე გარემოს. მჟავე pH-ის დროს, წყალბადის იონების ჭარბი რაოდენობა იწყებს უჯრედებთან ბმების წარმოქმნას და მათ დაშლას, რაც ანელებს მათ ზრდას ან მთლიანად კლავს. ჩამდინარე წყლების დამუშავების ციკლის შემდეგ, pH-ის აღდგენა ნეიტრალურ დონემდე უნდა მოხდეს დამატებითი ქიმიკატების გამოყენებით, წინააღმდეგ შემთხვევაში ის გააგრძელებს ნებისმიერი ცოცხალი უჯრედის დაზიანებას, რომელსაც შეეხება.